“Bilbotik Itsasora” IV Martxa

Martxa aldarrikatzailea eta alaia.

         Aldarrikatzailea batetik, bidegorri hau behingoan egin dadila eskatuko baitugu, Foru Aldundiak “Plan Ciclable 2003-16” delakoan agindu zigun bezala. Urteak dira plan hau ez dela gauzatzen ari. Bilbo Handiko mugikortasun iraunkorraren garapenean zutarri izan behar zuen egitasmoa, ezereza bilakatu da.

        Eta alaia bestetik, festa giroan aterako baikara berriz ere errepidera haur, guraso eta lagunak, egunetik egunera gehiago garela aldarrikatzeko, eta eskatzeko gehiengoa duen alderdiari, gainerako alderdiei eta tartean dauden erakundeei, haien arteko ardurei buruzko ika-mikak bazter utzi eta lanak behingoan bideratu ditzaten.

Zabaldu deialdi hau zuk ere, eta zatoz gurekin goiz eder bat pasatzera!